நண்பனுக்கு - பிறந்த நாள் புது வாழ்த்துக்கள்.

சித்திரையில் பூத்த செருந்தி மலரே....!
அக்கறையில் அணைக்கும் இத்தரை தேனே..!

நண்பா உனக்கு,
பிறந்த நாள் புது வாழ்த்துக்கள்.

தெருவோர சோடியம் விளக்கருகில்
சோடிக் கிளிகளின் கண்ணில் மின்னித் தெரிக்கும்
வான வேடிக்கையாய் - உங்கள்
இன்பம் இனிய வானில் உலவட்டும்.

தூரலில் நனைந்து தலையாட்டி தாலாட்டும்
பச்சை இலையின் நரம்பில் நகரும்
நதியோட்டமாய் - உங்கள்
மகிழ்ச்சி ஜதிபாடட்டும்.

ஒரே கூட்டுக்குள் சீருடை அணிந்து
சிரிக்கும் எறும்புடன் ஒட்டிக்கொள்ளும்
சிறு துளி இனிப்பாய் - உங்கள்
வாழ்வு இனிக்கட்டும்.

ஆயிரம் அல்லிக்குள் ஒரு தாமரையாய்
ஒருபக்க கவிதைக்குள் முதல் வரியாய்
புல் தரையில் காலை பனிதுளியாய்
சிறப்புற்று சிரியுங்கள்...!